Hagar birtu ekki ársreikning

Hagar eru eitt þeirra fyrirtækja, sem eru með skráð skuldabréf í Kauphöll Íslands, sem kusu að birta ekki ársreikning síðasta rekstrarárs og vísaði félagið þar til afar sérkennilegra undanþáguákvæða 56. gr. laga um verðbréfaviðskipti.

Nú væri ef til vill lag fyrir stjórnendur Haga að draga þennan reikning fram og sýna hvernig efnahagur félagsins leit út í febrúarlok fyrst staða félagsins er svona sterk. Þar með yrði frétt Morgunblaðsins hugsanlega skotin í kaf.

Það að Hagar hafi kosið að birta ekki ársreikning á réttum tíma vekur auðvitað upp spurningar um hvort staðan sé það glæsileg hjá þessu stærsta verslanafyrirtæki landsins.

Segja rangt að Hagar séu í gjörgæslu

Athugasemdir

[magnús steinar (IP-tala skráð) 22.8.2009 kl. 15:31]

Hverjir skyldu hafa komið þessu undanþáguákvæði í lög,það skyldi þó ekki vera samspillingar fingraför á þeim?

[Guðjón (IP-tala skráð) 22.8.2009 kl. 23:14]

Magnús Steinar: ég býst við að fingaförin séu öll frá Sjálfstæðisflokknum eins og venjulega

[P.Valdimar Guðjónsson, 22.8.2009 kl. 23:57]

Ekki flókið.   Veltupakkinn og það sem gefur stöðugt inn tekjur er hirt.   Hitt fer eignalaust og margskuldsett í þrot.  Þar má almenningur greiða pakkann.  Síðan er sagt að allt sé í skilum og staðan góð á hinum endanum.

[Andri Geir Arinbjarnarson, 23.8.2009 kl. 06:04]

Einmitt, látum staðreyndirnar tala en ekki upphrópanir.  Hagar þurfa að birta rekstrarreikning og efahagsreikning til að afsanna frétt mbl. 

Ég þori að veðja að forstjóri Haga beiti EBITDA blekkingu eins og ég kalla það.  Rekstur Haga eins og flestra íslenskra fyrirtækja er örugglega góður á EBITDA en hrynur svo í skuldafen og tap þegar afskriftum og fjármagnskostnaði er bætt við.

Þess vegna er efnahagsreikningurinn svo mikilvægur til að fá raunverulegt mat á stöðu fyrirtækja hér á landi.

Staðreyndir á borðið hefur nú aldrei verið Jón Ásgeirs sterkasta hlið!