Lært af íslensku útrásinni

Þetta hlýtur að vera besta mál að fá erlend fyrirtæki til landsins og auka þannig samkeppni. Færeyingar hafa lýst áhuga sínum að komast inn á fjármálamarkaðinn en hingað til gengið bónleiðir til búðar. Föroya Banki hafði áhuga á eignum SPRON og Tryggingarfélagið Föroyar (TF) mun hafa skoðað Sjóvá sem er í eigu skilanefndar Glitnis. Sjálfseignarstofnun, sem er stærsti hluthafinn í Eik Banka, var lengi vel stærsti hluthafinn í SPRON.

Færeysk fyrirtæki standa í svipuðum sporum og við stóðum fyrir nokkrum árum: Innanlandsmarkaðurinn er lítill og útrás því næsta skref fyrir vaxandi fyrirtæki. Færeysk fyrirtæki, einkum bankar, hafa reyndar gert strandhögg í Danmörku með bærilegum árangri. Íslenski markaðurinn ætti að henta Færeyingum vel vegna nálægðar og stærðar. Og svo er örugglega hægt að gera miklu betri kaup en þegar við vorum í okkar útrás.

Føroya Tele vill kaupa Vodafone

Athugasemdir

[Finnur Bárðarson, 29.5.2009 kl. 14:56]

Ég tek Færeyingum fagnandi. Ég treysti ekki löndum mínum fyrir einu eða neinu lengur. Hef það alltaf á tilfinningunni að þeir séu að alltaf reyna að svindla á mér.