Aðför að blaðamönnum

Ég held að Fjármálaeftirlitið sé komið út á ansi hálan ís með þessum leik og lýsir þetta algjöru þekkingarleysi á störfum fjölmiðla. Stofnunin ætti frekar að einbeita sér að þeim bankamönnum sem eru að leka út þessum gögnum svo þau verði opinber. Hverjir hafa til dæmis fullan aðgang að lánabókum bankanna?

Massíft er verið að leka út upplýsingum, sem tengjast bankahruninu, úr bönkum og opinberum stofnunum, s.s. ráðuneytum, þessa dagana. Og það er svo sem ekkert nýtt þótt vafalaust sé meira um það nú en áður. Sumt af því sem lekur út varðar almannahag eins og þessar birtingar Morgunblaðsins sanna, annað ekki. Af hverju finnst FME ástæða til að grípa til aðgerða nú?

Það er með ólíkindum að FME skuli ætla sér í slag við blaðamenn, sem eru að vinna vinnuna sína með birtingu mikilsverðra upplýsinga, og hlýtur að flokkast sem aðför að blaðamannastéttinni. Enda trúi ég ekki öðru en að tjáningarfrelsið og almannahagsmunir vegi þyngra en þessi lagabókstafur.

Brutu þau bankaleynd?

Athugasemdir

[Guðmundur Sverrir Þór, 2.4.2009 kl. 10:43]

Hjartanlega sammála hverju orði hér að ofan.

[ThoR-E, 2.4.2009 kl. 14:43]

FME ætti kannski líka að einbeita sér að þeim sem skömmtuðu sér fé .. og keyptu sér snekkjur ... sportbíla og einbýlishús .. allt á kostnað almennings.

Nei.. kæra frekar blaðamennina sem eru að reyna að koma upp um spillinguna og þjófnaðinn.

Já.. þetta er skrítið land sem við búum í ... :/

[Finnur Bárðarson, 2.4.2009 kl. 17:24]

Þeir voru snarir í snúningum leystu málið á einum sólarhring og fundu "bófana" samstundis. Greinilegt að þeir ráða ekki við önnur verkefni.

[Anna Benkovic Mikaelsdóttir, 2.4.2009 kl. 19:32]

Sammála...þetta er ekki FME til framdráttar?

[Flosi Kristjánsson, 2.4.2009 kl. 21:19]

Þetta eru hláleg viðbrögð, loksins þegar stofnunin rumskar. Raunar er þetta þyngra en tárum taki, eftir allt sem fólk hefur horft upp á, að þeir sem benda á ósómann skuli vera skotmark eftirlitsins.

[Gísli Már Marinósson, 2.4.2009 kl. 22:02]

Algjörlega sammála..Sannleikanum er hver sárreiðastur, þeir hafa kannski óhreint mjól í pokahorninu einhverjir starfsmenn FME það allavega koma ekki margar fréttir úr þeim bænum.

[Þorsteinn Úlfar Björnsson (IP-tala skráð) 3.4.2009 kl. 09:21]

Þetta lýsir bara vanhæfni FME. Þetta er það eina sem þeir ráða við.