Máttlausar aðgerðir fyrir fyrirtækin

Frá bankahruninu hafa stjórnvöld lítið gert til þess að létta fyrirtækjum erfiðan róðurinn og koma í veg fyrir gjaldþrotahrinu þeirra. Hér eru helstu aðgerðirnar:

15. október 2008 - tímabundin niðurfelling álags vegna skila á staðgreiðslu (vikufrestur)

14. nóvember - tímabundinn gjaldfrestur á aðflutningsgjöldum. Fyrirtækjum var gefinn kostur á að skipta greiðslum í þrjá hluta en í stað dráttarvaxta voru reiknaðir venjulegir bankavextir

14. nóvember - tímabundin niðurfelling álags vegna skila á staðgreiðslu (vikufrestur)

4. desember - tímabundin niðurfelling álags vegna skila á virðisaukaskatti (vikufrestur)

29. janúar 2009 - tímabundin niðurfelling álags vegna skila á virðisaukaskatti (vikufrestur)

27. febrúar - tímabundin niðurfelling álags vegna skila á virðisaukaskatti hjá aðilum á landbúnaðarskrá (vikufrestur)

 

Sú leið sem var farin hjá atvinnurekendum og launþegum að fresta launahækkunum um fjóra mánuði var mun hagfelldari og áhrifaríkari leið en allar þær aðgerðir sem ríkisvaldið hefur ráðist í. Augljóstasta aðgerðin er auðvitað sú að Seðlabankinn hefji vaxtalækkunarferlið tafarlaust. En það verður einhver bið á því. Hver dagur sem líður kallar á meira atvinnuleysi og meiri eymd.

 

Vextir fara að lækka

Athugasemdir

[Sigurður Geirsson (IP-tala skráð) 1.3.2009 kl. 18:04]

Enda hefur núverandi stjórn eytt öllum sínum tíma og krafti í að koma einum manni frá í Seðlabankanum, eins og að þar með væri öll okkar vandamál að baki. Og svo er spurning um það hvort sú lausn sé í samræmi við ákvæði stjórnarskrárinnar. Þvílíkt klúður að hafa fundið mjög hæfan einstakling í starfið, en´síðan er það ekki afdráttarlaust að skipunin (þ.e. að setja hann tímabundið í starfið) sé í samræmi við það sem stjórnarskráin geriri ráð fyrir. Maður sér nú ekki að þessi skipun muni auki traust á Seðlabankanum á meðan einhver vafi er um gildi skipunarinnar.