Byr og MP Banki

Á fjölmennum fundi stofnfjáreigenda í BYR sparisjóði í síðustu viku reifaði ég þá hugmynd að BYR seldi 13% hlut sinn í MP Banka í opnu tilboðsferli og/eða til núverandi stofnfjáreigenda og velti því fyrir mér hvort slík viðskipti gætu þjónað hagsmunum sparisjóðsins og stofnfjáreigenda. Þar sagði ég m.a.:

"Á haustdögum stóð til að norskur fjárfestir myndi leggja MP Banka til 1,4 milljarða króna í nýju hlutafé og verða annar stærsti hluthafi bankans. Kaupin gengu hins vegar til baka og kom fram í frétt Viðskiptablaðsins að aðrir hluthafar í MP Banka óttuðust að ef Norðmaðurinn yrði of stór hluthafi gæti hann hugsanlega komist yfir bankann með því að eignast hlut BYRS. Þótt hlutur sparisjóðsins sé ekki ráðandi má ætla að hann sé það verðmætur að full ástæða er til þess að skora á stjórn sparisjóðsins að kanna sölu bréfanna í opnu tilboðsferli eða til núverandi stofnfjáreigenda, sem margir hverjir hefðu eflaust áhuga á að eignast hlut í MP."

Hægt væri að slá þrjár flugur í einu höggi með sölu sem þessari:

1)      Byr gæti fengið gott verð fyrir bréfin sín og styrkt eiginfjárgrunn sinn

2)      Slitið yrði á forn en umdeild tengsl BYRS og MP Banka

3)      Markmið stjórnenda MP Banka um dreift eignarhald næðust

Athugasemdir

[Emmcee, 20.1.2010 kl. 23:27]

og hvernig var tekið í þessa hugmynd?

[Eggert Þór Aðalsteinsson, 20.1.2010 kl. 23:32]

Hún vakti töluverða athygli.

[Emmcee, 21.1.2010 kl. 10:12]

Neikvæða eða jákvæða athygli?

[Kjartan Björgvinsson, 22.1.2010 kl. 21:23]

Allt of skynsamleg tillaga til þess að hún gangi á Íslandi.