Þetta er bara misskilningur

Frá því að íslensk stjórnvöld leituðu á náðir Alþjóða gjaldeyrissjóðsins höfum við verið í efnahagslegri gjörgæslu. Vafasamt er að tala um að Ísland sé fullvalda ríki í efnahagslegum skilningi þegar alþjóðleg stofnun stýrir framkvæmdavaldinu eins og strengjabrúðu. Er þetta auðvitað ömurleg staða en kannski væri hún enn verri ef núverandi valdhafar ætluðu sér að reyna að koma okkur út úr vandanum upp á eigin spýtur. Tíminn einn mun leiða það í ljós.

Sýnu verra er þó að hafa hrokafulla erlenda embættismenn vomandi yfir sér. Nýlega ummæli forsvarsmanna AGS um brottflutninga Íslendinga frá landinu benda til þess að kaldlyndir og tilfinningasnauðir embættismenn haldi á málum Íslendinga. Skil ekki af hverju sendifulltrúi AGS heldur ekki kjafti um lýðfræðileg málefni. Eða er þetta of nátengt hagfræðinni? Ef við ætlum að vinna okkur úr vandanum þarf að hvert mannsbarn að leggjast á árarnar.   

Flanagan: Icesave í fjórða sæti

Athugasemdir

[Helga Kristjánsdóttir, 15.12.2009 kl. 00:19]

  Varð að líta hér inn og taka undir með þér,fylltist hryllingi að hlusta á Flanna í kvöld.    Þóra Arnórs er drottning í þessum viðtölum á Ruv,já og í Útsvari. 

[Lárus Baldursson, 15.12.2009 kl. 02:04]

Ef þessum mönnum tekst ætlunarverk sitt hér á landi þá geta íslendingar farið að taka að sér nýsköpunarverk eins og rífa olíuskip á sunnlenskum söndum, það er gert í fátækari hlutum Indlands, eða að taka við eiturefnaúrgangi til að grafa einhverstaðar uppi á hálendinu til að fá krónur í ríkiskassann og borga Icesave. Íslenskir launþegar eru að verða svo samkeppnishæfir við fátækari lönd heimsins.

[Hanna, 15.12.2009 kl. 03:58]

Hvernig viljið þið hafa þetta?

Langar til að heyra tillögur frá fólki sem er sí og æ að agnúast útí AGS og Icesafe. Það eru allir sammála um að AGS og Icesafe er skelfileg niðurstaða fyrir okkur öll. Við erum heldur betur niðurlægð og erum á barmi gjaldþrots. En hvað getum við gert annað en að ganga frá Icesafe og þyggja lán frá Norðurlöndum og AGS ? má ég biðja um röstuddar tillögur um hvernig þið ætlið að endurreisa hér fjármálakerfið sem er í algjörri rúst.

Ef við höfnum Icesafe og þar með lánum frá Norðurlöndunum Þá fáum við ekki aðstoð frá AGS. Þurfum við kannski ekki viðskipti við umheiminn. Getum við bara séð um okkur sjálf. þe farið 50 ár aftur í tímann og borðað okkar fisk og ræktað okkar kartöflur. kannski stundð vöruskipti við hvort annað?

Þetta er nú bara svona pæling. Mér finnst asnalegt að rífast alla daga ef maður hefur ekki nein svör sjálfur. Hef bara ekki heyt eða séð rökstuddar tillögur um hvernig á að komast út úr þessu rugli með öðrum hætt.

[Sigurður Guðmundsson (IP-tala skráð) 15.12.2009 kl. 08:32]

Ó hvað er gaman að skjóta sendiboðana -- ekki síst þegar skilaboð þeirra passa ekki við heimsmynd þeirra sem við taka! Staðreyndin er sú að íslenska ríkið er upp á aðra komið með lánsfé, og enginn vill lána því án skilyrða. Gjörgæsla AGS snýst einmitt um það að lánadrottnar okkar treysta ekki íslenska ríkinu, og þeir byggja þá skoðun sína á biturri reynslu. Fullveldið fæst aftur þegar þjóðin hefur sannfært aðra um að hún geti staðið á eigin fótum, ekki fyrr. Þar þýðir lítið að hneykslast á erlendum sendifulltrúum -- nær væri að líta í eigin barm (en sjálfsgagnrýni hefur nú aldrei verið sterkasta hlið Íslendinga, því miður) 

[Ómar Bjarki Kristjánsson, 15.12.2009 kl. 15:13]

Ha ?  Hver andsk. er svo kalrifjað eða hræðilegt við þetta.  Maðurinn segir með í huga fyrrv. reynslu af kreppum á ísl. og vegna sameiginlegs vinnumarkaðar etc. að ísl. leita td. mikið til N-ladanna - að ef hann væri í vandræðum og fengi vinnu mundi hann leita fyrir sér erlendis o.s.frv.

Veit ekki, fyrir Austan hefði þetta ekkert þótt neitt neitt.  Skal ekkert fullyrða um hvernig tekið yrði upp í Eyjum.

Barnalegt af þessum hópi þarna að hlaupa með þetta í fjölmiðla.

Skrítin umræða.

En þar fyrir tan, þá er ekkert eftirsóknarvert fyrir lönd að vera komin undir umsjón IMF.  Þar er IMF þó mikið til afleiðing óstjórnar undanfainna ára og í íslands tilfelli er það sérlega áberandi.

Orsök:  Sjallastjórn.  Afleiðing:  IMF