Lítil þúfa veltir þungu hlassi

Stærstu hlutafélögin sem mynduðu íslenska hlutabréfamarkaðinn voru að nafninu til almenningshlutafélög. Staðreyndin var hins vegar sú smærri hluthafar voru aðallega notaðir sem skraut á aðalfundum, enda réðu stærstu hluthafar lögum og lofum - meira að segja í sparisjóðunum. Og sumir gengu allt of langt.

Snemma árs komu stofnfjáreigendurnir Sveinn Margeirsson, nú stjórnarmaður í Byr, og kona hans Rakel Gylfadóttir fram í Kastljósi og bentu á þau makalausu viðskipti sem höfðu farið fram með stofnfé Byrs á milli MP banka og skúffufélagsins Exeter Holdings. Þar blönduðust aukinheldur inn í lánveitingar frá sparisjóðnum og viðskipti þáverandi stjórnarmanna, sem virðast hafa notið sjóði sparisjóðsins í eigin þágu, og núverandi og fyrrverandi starfsmanna Byrs. Viðskiptin fóru fram á fáranlegu yfirverði eftir að fjármálakerfið hrundi og voru fjármögnuð af sparisjóðnum sjálfum með veði í bréfum sem í dag eru einskis virði.

Hver sem niðurstaðan verður er greinilegt að yfirvöld líta málið alvarlegum augum eins og atburðir dagsins bera glöggt vitni um.

 

Yfirheyrslur standa yfir

Athugasemdir

[Guðjón Sigþór Jensson, 24.11.2009 kl. 17:38]

Víða er pottur brotinn í þessum málum. Ef tekin yrði upp mjög einföld regla um atkvæðarétt í hlutafélagi þá væri unnt að kveða allan þennan brask draug niður í eitt skipti fyrir öll.

Í hlutafélaglög á að taka upp einfalt en mjög skynsamlegt ákvæði sem takmarkar atkvæðarétt. Annars vegar binda það skilyrði að hlutafé hafi verið greitt til félagsins. Þetta var brotið t.d. í Exista þar sem braskarar sem því fyrirtækja stýra juku hlutafé um 50 milljarða án þess að ein einasta króna væriu greidd til félagsins. Eina „greiðslan“ sem fram fór voru hlutabréf í óskyldu fyrirtæki sem braskarnir verðsettu á einn milljarð! Ekki er vitað hvers virði þau hlutabréf eru í dag.

Hins vegar á að taka algjörlega fyrir að hlutabréf sem hafa verið veðsett fylgi réttur til atkvæðagreiðslu. Hægt væri að útfæra þessa reglu, binda við t.d. undanfarinna 24álmanaksmánuði, jafnvel lengur.

Mosi