Síðustu forvöð?

Ríkisvaldið hefur á undanförnum mánuðum liðkað töluvert fyrir fyrirtækjum með því að gefa þeim greiðslufrest á virðisaukaskatti. Nú sér hins vegar fyrir endann á þeirri aðstoð, einmitt þegar þjóðlíf siglir inn í harðan vetur. Á síðasta greiðsludegi almenns virðisaukaskatts í upphafi ágúst fengu greiðendur tveggja daga frest á greiðslum án þess að lenda í hinu hrikalegi álagi sem hefur sent mörg góð fyrirtækin í þrot. Ráðuneyti fjármála orðaði þetta þannig á sinn skorinorta máta:

"Hefur ráðuneytið í dag [4. ágúst] beint þeim tilmælum til skattstjóra að fellt verði tímabundið niður álag vegna skila á virðisaukaskatti sem á gjalddaga er 5. júní 2009 og gildi sú niðurfelling í fimm daga eða til og með 10. júní 2009. Í sömu tilmælum kemur fram að fellt verði tímabundið niður álag vegna skila á virðisaukaskatti sem á gjalddaga er 5. ágúst 2009 og gildi sú niðurfelling í tvo daga eða til og með 7. ágúst 2009.

Sem áður segir hefur ráðuneytið að undanförnu í þrígang beint samskonar tilmælum til skattstjóra vegna síðustu uppgjörstímabila virðisaukaskatts. Jafnframt voru á Alþingi í vor samþykkt lög sem kveða á um ákveðinn greiðslufrest á aðflutningsgjöldum (þ.m.t. virðisaukaskatts) vegna uppgjörstímabila á árinu 2009. Með tilmælum þeim sem beint var til skattstjóra í dag er horft til næstu tveggja gjalddaga virðisaukaskatts, 5. júní og 5. ágúst, en frá og með 5. október verður álagsbeiting vegna síðbúinna skila á virðisaukaskatti með hefðbundnum hætti."

Ég hef það á tilfinningunni að fyrirtæki þurfi meiri aðstoð á næstu mánuðum til þess að koma sér í gegnum kreppuna.

Hvetja til niðurfellingar álags vegna seinkunar á greiðslu virðisauka

Athugasemdir

[Einar Guðjónsson, 28.8.2009 kl. 22:34]

Held að þetta sé alveg rétt ályktun hjá þér. Það kemur í ljós að sala hefur dregist saman

um fjórðung á þessu ári m.v. árið í fyrra sem var líka samdráttarár. Því gefur auga leið

að fyrirtæki eru á leið í enn meiri vanda. Ekki hjálpar Skattmann og því er eina ráðið að segja upp fólki og minnka við fastan kostnað s.s. vegna húsaleigu. Þetta þýðir svo enn

meiri samdrátt etc. Því miður er hið klassíska Allaballa hagfræðimódel alveg óbreytt.