Metinn á tíu milljarða króna

Átökin um Byr hafa tekið á sig einkennilega mynd. Í þessu máli er deilt um réttmæti stjórnarsetu Matthíasar Björnssonar í stjórn Byrs en hann hefur mikil tengsl við Jón Þorstein Jónsson, fyrrverandi stjórnarformann sparisjóðsins, sem ber höfuðábyrgð á aumri stöðu sjóðsins.

Lögmenn Matthíasar hafa krafist tíu milljarða króna tryggingar vegna mögulegs fjárhagslegs tjóns ef svo kemur í ljós að stjórnin situr í krafti löglegs meirihluta. Á sama tíma og lögmenn deildu um aðkomu Matthíasar að stjórninni sótti sparisjóðurinn um ríflega tíu milljarða króna framlag frá ríkinu á grundvelli neyðarlaganna. Lögmenn Matthíasar og hann sjálfur telja því að mögulegt tjón vegna hans sé jafngilt tíu milljarða króna ríkisframlagi!

Eggert, getur þú sagt þetta aftur? Já, lögmenn Matthíasar telja hann tíu milljarða króna virði. Til samanburðar má benda á að Aston Villa var talið tilbúið að borga Barcelona 3,5 milljónir evra, um 630 milljónir króna, fyrir Eið Smára, fræknasta fótboltamann landsins.

Vilja 10 milljarða tryggingu

Athugasemdir

[Halldór Jónsson, 30.6.2009 kl. 10:35]

Já Eggert, til viðbótar vissi A-listinn í stjórn BYR ekkert um það að stjórnendur BYR, talsmaður  Ragnar Z.  sparisjóðsstóri , væru búnir að sækja um 10 milljarða ríkisframlag. Þetta er merkileg frétt. Tvær stjórnir í fyrirtækinu!

Gvuð hvað ég hlakka til að fá að borga það sem ég skulda vegna stofnfjárbréfanna í þessu vel stjórnaða fyrirtæki.