Samvinna við "versta fyrirtæki" í heimi

Þar kom að því sem forsvarsmenn Billiton höfðu lengi þráð; samvinna eða samruni við Rio Tinto, sem Andri Snær kallaði versta fyrirtæki í heimi, hefur lengið legið á teikniborði stjórnenda BHP og stefndu þeir í eitt ár að fjandsamlegri yfirtöku á Rio í óþökk Tom Albanese, fyrrum forstjóra þess félags. Hætt var við þá yfirtöku í fyrra vegna aðstæðna á heimsmörkuðum. Rio er afar skuldsett fyrirtæki eftir gríðarlegan vöxt á áratugnum sem er að líða en fyrirtækið eignaðist meðal annars Alcan sem rekur álbræðslu í Straumsvík.

Fyrir tveimur árum, þegar Rio Tinto yfirtók Alcan, lýsti þáverandi iðnaðarráðherra, Össur Skarphéðinsson því yfir að við hefðum ekkert við fyrirtækið að gera, eins og kom fram í viðtali við hann í fjölmiðlum. ""Satt að segja er reynsla íslenskra stjórnvalda af Rio Tinto ekki góð," sagði Össur Skarphéðinsson, iðnaðarráðherra, í samtali við Vísi. „Þeir áttu í viðræðum við stjórnvöld fyrir mörgum árum um byggingu kísilmálmverkssmiðju á Reyðarfirði. Bæði heimamenn og stjórnvöld höfðu búið sig undir þetta en þá hættu þeir við.""

Margt hefur breyst frá árinu 2007. Ætli skoðun Össurar á Rio hafi eitthvað breyst á þeim tveimur árum sem liðin eru?

Rio Tinto og BHP Billiton gera samning

Athugasemdir

[Gunnar Th. Gunnarsson, 5.6.2009 kl. 10:44]

Hvernig þetta alþjóðlega fyrirtæki hefur hagað sér áður, segir okkur ekkert hvernig það hagar sér í dag. Það getur verið verra eða betra og allt þar á milli. 

Umhverfisverndarsinnar reyndu að sverta Alcoa sem mest þegar álverið á Reyðarfirði var í undirbúningi og bentu á sitthvað máli sínu til stuðnings. Svo þegar farið var að grafast fyrir um áreiðanleikan þá kom í ljós að fréttirnar voru 40-50 ára gamlar. Á undanförnum árum hefur Alcoa fengið margar alþjóðlegar viðurkenningar, m.a. fyrir mengunarvarnir, umgengni og frágang við námuvinnslu og samskipti við starfsmenn sína.

[Rauða Ljónið, 5.6.2009 kl. 13:02]

Þegar fólk lýgur eins og hér er gert.

Árið 2008 samkvæmt könnun svissneska fyrirtækisins Covalence sem gefur einkunn í fyrirtækjasiðferði og því orðspori var Rio Tinto valið eitt af 10 bestu  fyrirtækjum  í heiminum í fyrirtækjasiðferði .  ,, Best Ethical Quote Scoer."