Var Actavis of dýru verði keypt?

Heildarvirði Actavis er augljóslega í hærri kantinum eða um 11-faldur rekstrarhagnaður félagsins fyrir afskriftir (EBITDA), ef marka má niðurstöðu síðasta árs. Sérfræðingar telja sérfræðingar að 4,0-4,5 milljarðar evra myndi hljóma betur í eyrum líklegra kaupenda. Til samanburðar eignaðist Novator Actavis á yfir 14 földum EV/EBITDA margfaldara árið 2007 og má því kannski segja að eftir allt saman þá hafi Novator greitt of mikið fyrir Actavis ef horft er til þessara viðmiða.

Samkvæmt Bloomberg er Actavis enn í töluverðum vexti sem kemur skemmtilega á óvart við þessar hörmulegu aðstæður sem nú ríkja í íslensku atvinnulífi. Því er spáð að EBITDA hagnaður ársins verði um 600 milljónir evra (um 100 milljarðar króna) sem yrði um þriðjungsaukning á milli ára.

Ég verð þó að segja að mér finnst íslenska pressan sýna Actavis lítinn áhuga. Eigandinn ætlar sér að selja eitt stærsta fyrirtæki landsins, að öllu leyti eða í bútum. Hvað verður til dæmis um starfsemina á Íslandi ef Actavis kemst í eigu erlendra lyfjarisa?

Sala á Actavis lögð til hliðar

Athugasemdir

[Emmcee, 16.4.2009 kl. 15:58]

Góður punktur, Eggert.  Það er nebbla eins og fyrirtækið hafi horfið af yfirborði jarðar um leið og það var afskráð úr kauphöllinni.